കാലം കാത്തിരിക്കുന്നു; വിശ്വനാഥാ നീയെവിടെയാണ്?
വിശ്വനാഥന്‍ നീ ഇപ്പോള്‍ എവിടെയാണ്?
നീ എന്നും എനിക്ക് ഒരു പ്രഹേളികയായിരുന്നു. കഴിഞ്ഞ ഇരുപത്തിരണ്ടു വര്‍ഷങ്ങളായി നിന്നെ ഞാന്‍ തിരഞ്ഞുകൊണ്ടേയിരിക്കുകയാണ്. ഈ തിരച്ചില്‍ വെറുതെയാണെന്ന് അറിയാമെങ്കിലും!
ഓര്‍മ്മയുണ്ടോ നിനക്ക് നമ്മുടെ പഴയ ഹോസ്റ്റല്‍ ജീവിതം? എല്ലാവരും പരീക്ഷയ്ക്ക് തയ്യാറെടുക്കുമ്പോള്‍ ടെറസില്‍ നമ്മൾ നക്ഷത്രങ്ങളെണ്ണി കിടന്ന രാത്രികൾ?
നിനക്ക് എന്നും വ്യവസ്ഥിതികളോട് പുച്ഛമായിരുന്നു. ഒരു പക്ഷെ നീ മറന്നു കാണും അന്നത്തെ സായാഹ്നങ്ങളിലെ നമ്മുടെ നടത്തം. അപ്പോഴെല്ലാം നീ വളരെ വാചാലനായിരുന്നു. അങ്ങനെയുള്ള ഒരു സവാരിക്കിടയിലാണു് നീ എനിക്ക് മാര്‍ക്കേസ്സിന്‍റെ കൃതികളെ പരിചയപ്പെടുത്തിയത്. വായന നിനക്കെന്നും ഒരു ദൗര്‍ബല്യമായിരുന്നു. അങ്ങനെയൊരു സന്ദര്‍ഭത്തിൽത്തന്നെയാണ് എംടിയുടെ രണ്ടാമൂഴത്തിൽ നിന്നും നിനക്കേറ്റവും ഇഷ്ടപ്പെട്ട ഒരു മറുപടി നീ എന്നെ പറഞ്ഞു കേള്‍പ്പിച്ചതു്.
വിശ്വനാഥന്‍ നീ ഇപ്പോള്‍ എവിടെയാണ്?
നീ എന്നും എനിക്ക് ഒരു പ്രഹേളികയായിരുന്നു. കഴിഞ്ഞ ഇരുപത്തിരണ്ടു വര്‍ഷങ്ങളായി നിന്നെ ഞാന്‍ തിരഞ്ഞുകൊണ്ടേയിരിക്കുകയാണ്. ഈ തിരച്ചില്‍ വെറുതെയാണെന്ന് അറിയാമെങ്കിലും!
ഓര്‍മ്മയുണ്ടോ നിനക്ക് നമ്മുടെ പഴയ ഹോസ്റ്റല്‍ ജീവിതം? എല്ലാവരും പരീക്ഷയ്ക്ക് തയ്യാറെടുക്കുമ്പോള്‍ ടെറസില്‍ നമ്മൾ നക്ഷത്രങ്ങളെണ്ണി കിടന്ന രാത്രികൾ?
നിനക്ക് എന്നും വ്യവസ്ഥിതികളോട് പുച്ഛമായിരുന്നു. ഒരു പക്ഷെ നീ മറന്നു കാണും അന്നത്തെ സായാഹ്നങ്ങളിലെ നമ്മുടെ നടത്തം. അപ്പോഴെല്ലാം നീ വളരെ വാചാലനായിരുന്നു. അങ്ങനെയുള്ള ഒരു സവാരിക്കിടയിലാണു് നീ എനിക്ക് മാര്‍ക്കേസ്സിന്‍റെ കൃതികളെ പരിചയപ്പെടുത്തിയത്. വായന നിനക്കെന്നും ഒരു ദൗര്‍ബല്യമായിരുന്നു. അങ്ങനെയൊരു സന്ദര്‍ഭത്തിൽത്തന്നെയാണ് എംടിയുടെ രണ്ടാമൂഴത്തിൽ നിന്നും നിനക്കേറ്റവും ഇഷ്ടപ്പെട്ട ഒരു മറുപടി നീ എന്നെ പറഞ്ഞു കേള്‍പ്പിച്ചതു്.
"ഷണ്ഡന്‍മാര്‍ പറയേണ്ട വാക്കുകള്‍; യുദ്ധമടുക്കുമ്പോള്‍ ഭീമസേനന്‍ ഭീരുവാകുന്നോ? എന്ന ശ്രീകൃഷ്ണന്റെ ചോദ്യത്തിനുള്ള ഭീമന്റെ മറുപടി!
"ഷണ്ഡനായ പാണ്ഡുവിന്റെ പുത്രനില്‍ നിന്നും ഇതില്‍ കുടുതല്‍ പ്രതീക്ഷിച്ചത് താങ്കളുടെ തെറ്റ്. "
നീ എന്നും പറയാറുണ്ടായിരുന്നല്ലോ നിനക്കെന്നും ഒരു അത്ഭുതമാണ് ഈ നഗരമെന്നു്. കുന്നിന്റെ നെറുകയില്‍ ഒരു ശിവക്ഷേത്രവും ഒരു പൂരപ്പറമ്പും . അതിനു ചുറ്റും നഗരം ഓടിക്കൊണ്ടേയിരിക്കുന്നു കിതയ്ക്കാതെ !
നീ എന്നും പറയാറുണ്ടായിരുന്നല്ലോ നിനക്കെന്നും ഒരു അത്ഭുതമാണ് ഈ നഗരമെന്നു്. കുന്നിന്റെ നെറുകയില്‍ ഒരു ശിവക്ഷേത്രവും ഒരു പൂരപ്പറമ്പും . അതിനു ചുറ്റും നഗരം ഓടിക്കൊണ്ടേയിരിക്കുന്നു കിതയ്ക്കാതെ !
മഴ പെയ്യുന്നത് നീ ഒരു കുട്ടിയുടെ കൌതുകത്തോടെ നോക്കിയിരിക്കാറുണ്ടായിരുന്നതു ഞാനോർക്കുന്നു. തിമര്‍ത്തു പെയ്ത മഴയ്ക്കൊടുവില്‍ മരം പെയ്യുന്നത് കാണാന്‍ നിനക്കതിലേറെയിഷ്ടമായിരുന്നല്ലോ!
നിന്റെ നിളാ നദിയെക്കുറിച്ച് ഓര്‍ത്താണ് അന്നു നീ ഏറെ വിലപിച്ചിരുന്നതു്.
ഇന്ന് നിളയുടെ അവസ്ഥ കണ്ടിടുണ്ടോ നീ? നിനക്ക് സഹിക്കാവുന്നതിലുമപ്പുറമാണ് നിളയുടെ ദൈന്യത.
നമ്മള്‍ സായാഹ്നങ്ങള്‍ ചെലവിടാറുള്ള നിന്റെ നാട്ടിലെ കുന്നിന്‍പുറങ്ങള്‍ ഇന്നില്ലെന്ന് ഞാന്‍ പത്രങ്ങളില്‍ നിന്നും വായിച്ചറിഞ്ഞു. വികസനത്തിന്റെ കരാളഹസ്തങ്ങള്‍ അവയ്ക്ക് മേല്‍ പതിക്കുകയായിരുന്നു..
ഇതൊന്നും നീയിപ്പോൾ കാണുന്നില്ലേ; കേള്‍ക്കുന്നില്ലേ?
നീ എവിടെയാണ്?
വിശ്വനാഥന്‍ എനിക്കിന്നു് പത്രങ്ങള്‍ വായിക്കാന്‍ പേടിയാണ്. പിഞ്ചുകുഞ്ഞുങ്ങള്‍ നരാധമന്മാരുടെ കാമാര്‍ത്തിക്ക് ഇരയാകുന്ന വാർത്തകൾ പത്രങ്ങൾ ആഘോഷമാക്കുന്നു. വാര്‍ദ്ധക്യം പിന്നിട്ട, യേശുക്രിസ്തുവിന്റെ മണവാട്ടി ലൈംഗികമായി പീഡിപ്പിക്കപ്പെടുന്നു.
മഹാദുരന്തങ്ങള്‍ മാദ്ധ്യമങ്ങൾക്കു് വലിയ വിപണനോപാധികളാകുന്നു. ക്രിമിനലുകള്‍ക്ക് താരപരിവേഷം നല്‍കി അവര്‍ക്ക് പിന്നാലെ പായുകയാണു് മാധ്യമ പ്രവർത്തകർ ...
എവിടെക്കാണു് നമ്മുടെ നാടിന്‍റെ പോക്ക്?
നീ പറയാറുണ്ടായിരുന്നില്ലേ, ദുരാചാരങ്ങളില്‍ നിന്നും അന്ധവിശ്വാസങ്ങളില്‍ നിന്നും നമ്മുടെ നാടു് മോചിതമായെന്നു്! പക്ഷെ ഇന്നിതാ എല്ലാം പൂര്‍വാധികംശക്തിയോടെ തിരിച്ചെത്തിയിരിക്കുന്നു.
നീ എവിടെയാണ്? കണ്ടെത്തില്ല എന്ന് ഉറപ്പുണ്ടായിരുന്നെങ്കിലും നിന്നെ ഞാന്‍ facebookല്‍ തെരഞ്ഞിരുന്നു. എന്റെയീ വിഹ്വലതകൾ പങ്കുവയ്ക്കാന്‍ നീ എനിക്കൊപ്പം ഉണ്ടായിരുന്നെങ്കിലെന്നു് ഞാൻ വെറുതെ കൊതിക്കുന്നു.
വിശ്വനാഥന്‍ നീ എവിടെയാണ്??????
ഇന്ന് നിളയുടെ അവസ്ഥ കണ്ടിടുണ്ടോ നീ? നിനക്ക് സഹിക്കാവുന്നതിലുമപ്പുറമാണ് നിളയുടെ ദൈന്യത.
നമ്മള്‍ സായാഹ്നങ്ങള്‍ ചെലവിടാറുള്ള നിന്റെ നാട്ടിലെ കുന്നിന്‍പുറങ്ങള്‍ ഇന്നില്ലെന്ന് ഞാന്‍ പത്രങ്ങളില്‍ നിന്നും വായിച്ചറിഞ്ഞു. വികസനത്തിന്റെ കരാളഹസ്തങ്ങള്‍ അവയ്ക്ക് മേല്‍ പതിക്കുകയായിരുന്നു..
ഇതൊന്നും നീയിപ്പോൾ കാണുന്നില്ലേ; കേള്‍ക്കുന്നില്ലേ?
നീ എവിടെയാണ്?
വിശ്വനാഥന്‍ എനിക്കിന്നു് പത്രങ്ങള്‍ വായിക്കാന്‍ പേടിയാണ്. പിഞ്ചുകുഞ്ഞുങ്ങള്‍ നരാധമന്മാരുടെ കാമാര്‍ത്തിക്ക് ഇരയാകുന്ന വാർത്തകൾ പത്രങ്ങൾ ആഘോഷമാക്കുന്നു. വാര്‍ദ്ധക്യം പിന്നിട്ട, യേശുക്രിസ്തുവിന്റെ മണവാട്ടി ലൈംഗികമായി പീഡിപ്പിക്കപ്പെടുന്നു.
മഹാദുരന്തങ്ങള്‍ മാദ്ധ്യമങ്ങൾക്കു് വലിയ വിപണനോപാധികളാകുന്നു. ക്രിമിനലുകള്‍ക്ക് താരപരിവേഷം നല്‍കി അവര്‍ക്ക് പിന്നാലെ പായുകയാണു് മാധ്യമ പ്രവർത്തകർ ...
എവിടെക്കാണു് നമ്മുടെ നാടിന്‍റെ പോക്ക്?
നീ പറയാറുണ്ടായിരുന്നില്ലേ, ദുരാചാരങ്ങളില്‍ നിന്നും അന്ധവിശ്വാസങ്ങളില്‍ നിന്നും നമ്മുടെ നാടു് മോചിതമായെന്നു്! പക്ഷെ ഇന്നിതാ എല്ലാം പൂര്‍വാധികംശക്തിയോടെ തിരിച്ചെത്തിയിരിക്കുന്നു.
നീ എവിടെയാണ്? കണ്ടെത്തില്ല എന്ന് ഉറപ്പുണ്ടായിരുന്നെങ്കിലും നിന്നെ ഞാന്‍ facebookല്‍ തെരഞ്ഞിരുന്നു. എന്റെയീ വിഹ്വലതകൾ പങ്കുവയ്ക്കാന്‍ നീ എനിക്കൊപ്പം ഉണ്ടായിരുന്നെങ്കിലെന്നു് ഞാൻ വെറുതെ കൊതിക്കുന്നു.
വിശ്വനാഥന്‍ നീ എവിടെയാണ്??????
